Við höfðum samband við Gunnleif Gunnleifsson og lögðum fyrir hann nokkrar spurningar. Smellið á "lesa meira" til þess að sjá hvað Gulli hafði að segja.

Hvernig leggst það í menn að vera komnir í Krikann?

Ég er í skýjunum með að vera komin í besta lið landsins. Ég mun gefa allt sem ég á til þess að félagið haldi áfram að vaxa og vinna titla. Ég hef bara heyrt jákvæða hluti um FH og allt sem er í kringum klúbbinn og iða í skinninu eftir að byrja.

Hvað var það við FH sem heillaði svona?

Þjálfara þríeykið er að sjálfsögðu frábært og áskorunin um að gera besta liðið ennþá betra er hluti af ástæðunni. Stuðningsmenn og þeir sem eru í kringum liðið eru einnig mikið aðdráttarafl.

Kom aldrei til greina að fara aftur í KR?

Ég skoðaði að sjálfsögðu alla möguleika sem voru í boði eins og eðlilegt er þessum tímamótum hjá mér, en ég er meira en yfir mig glaður að vera komin í FH.

Gunni Sig mun sjá um að halda þér á tánnum, hvernig leggst það í þig?

Ég og Gunni erum jafnaldrar og ólumst upp saman í gegnum yngri flokkana þannig að við þekkjumst vel. Hann er frábær markmaður og ég hlakka til að vinna með honum.

Daði Lárusson á stóran stað í hjarta margra FHinga, verður ekkert erfitt að klæða sig í treyju NR1?

Daði Lárusson hefur verið einn af bestu markmönnum landsins í mörg ár. Hann skilaði frábæru starfi fyrir FH og verður án efa í guðatölu stuðningsmanna liðsins um ókomna tíð. Ég ber mikla virðingu fyrir Daða og ég klæðist treyju nr.1 hjá FH með miklu stolti eftir að Daði er búinn að klæðast henni í öll þessi ár.

Leitaðirðu ráða hjá Óla Jó í sambandi við FH?

Óli og ég ræðum auðvitað málin eins eðlilegt er hjá landsliðsþjálfara og landsliðsmönnum og ég ber virðingu fyrir því sem að hann segir.

Hvernig var stuðningsmannalagið þitt hjá HK?

Lagið heitir Happy happy Helloween:)