19.September verður ávallt merkisdagur í hugum okkar FHinga.  Árið 2004 var Fimleikafélag Hafnarfjarðar 75 ára og á Sunnudeginum 19.September það ár vann FH sinn fyrsta Íslandsmeistaratitil. 

Það þekkja allir FHingar tilinninguna að vinna bikar í fyrsta sinn og þessi sunnudagur var einn besti dagur sem undiritaður hefur upplifað.  Allt frá rútuferðinni snemma um morgunin, mögnuð stemmning á Ráðhústorginu á Akureyri fyrir leik og ótrúlegasta andrúmsloft sem maður hefur upplifað á knattspyrnuleik fyrr og síðar.  Á sömu sekúndu og fréttir bárust að FH væri orðið Íslandsmeistari, horfði maður niðrá völl og þá þrumaði Ásgeir Gunnar Ásgeirsson boltanum í netið og tryggði FH 2-1 sigur gegn KA. Ásgeir fagnaði markinu með að stökkva uppí stúku til okkar.  Þvílík tilfinning!

Það er ótrúlegt að hugsa til þess að á morgun eigum við FHingar möguleika á að vinna okkar fimmta íslandsmeistaratitil á aðeins fáeinum árum. Við hvetjum alla FHinga og Hafnfirðinga til að láta sjá sig á vellinum á morgun og mæta einnig snemma á Pizza Islandia þar sem góðir gestir mæta á svæðið.  Við lofum magnaðri stemmningu á morgun, komdu á völlinn og upplifðu með okkur FH stemmningu eins og hún gerist best.

 Þetta stutta 14 sekúnda myndskeið var tekið fyrir leik FH og KA á Akureyri árið 2004