Við höfðum samband við hinn eina sanna Sigga Storm og báðum hann um að spá fyrir um bæði leikinn og veðrið á sunnudag.

 "Sem betur fer byrjar þessi mikilvægi leikur ekki fyrr en kl. 17 því um hádegi verður mikil rigning í Hafnarfirði og töluverður vindur eða 13 til 14 metrar á sekúndu" segir FH-ingurinn og veðurfræðingurinn Siggi Stormur. "En strax uppúr kl. þrjú byrjar að lægja og þegar leikurinn byrjar verður vindur orðinn skaplega hægur, eða í kringum 5 m/s auk þess sem nýja stúkan skýlir vel fyrir sunnan áttinni. Ennfremur verður þá mesta vatnsveðrið að baki" segir Sigurður og bætir við: Það bendir allt til að það verði léttar regnskúrir af og til meðan á leik stendur en með sól á milli. Þá verður hlýtt í veðri, eða í kringum 10 stig, segir Stormurinn sem er ekki vafa um að FH taki þetta. Áfram FH!!