Þetta er upphitun fyrir leik FH-inga og ÍBV í Pepsi-deild karla sem að fram fer á morgun, sunnudaginn  12. September. Hefst leikurinn kl. 14:10 og hvetjum við alla að mæta þar sem að mikilvægi hans fyrir lið FH er gríðarlegt.

Ljóst er að leikurinn verður ekki auðveldur fyrir okkar menn því Eyjamenn hafa verið á gríðarlegri siglingu í undanförnum leikjum, hafa ekki tapað 6 leikjum í röð eða síðan þeir lágu fyrir Fylki þann 1. júlí! Aldeilis gott skor það.

Þó urðu Eyjamenn fyrir áfalli í lok síðasta mánaðar þegar í ljós kom að þeir Ajay Leitch-Smith, Chris Clements og  Tonny Mawejje myndu ekki spila meira með þeim í sumar. Ekki skal þó vanmeta Eyjamenn því þeir eiga flinka knattspyrnumenn í sínum röðum, unga stráka sem að koma til með að reynast þeim vel þegar kallið kemur.

Fyrri leikir liðanna á Kaplakrikavelli

Síðasti leikur liðanna fór fram á Hásteinsvelli þann 28. júní síðastliðinn. Þar fóru okkar menn með sigur af hólmi, 0-3, í leik sem liðið stjórnaði frá A-Ö og hefði getað unnið mun stærri sigur.

Síðasti leikur liðanna Kaplakrikavelli fór fram 15. júní 2006. Hann endaði með sigri FH, 3-1.

08.6.1991 FH 1 – 1 ÍBV 1. Deild
08.6.1992 FH 1 – 2 ÍBV Efsta deild (Samskipadeildin)
27.8.1993 FH 3 – 1 ÍBV Efsta deild (Getraunadeildin)
10.9.1994 FH 2 – 1 ÍBV Efsta deild (Trópí-deildin)
30.8.1995 FH 1 – 3 ÍBV Efsta deild (Sjóva-Almennradeildin)
26.7.2001 FH 0 – 1 ÍBV Efsta deild (Símadeildin)
21.9.2002 FH 2 – 1 ÍBV Efsta deild (Símadeildin)
25.8.2003 FH 2 – 1 ÍBV Efsta deild (Landsbankadeildin)
07.6.2004 FH 2 – 1 ÍBV Efsta deild (Landsbankadeildin)
26.5.2005 FH 3 – 0 ÍBV Efsta deild (Landsbankadeildin)
15.6.2006 FH 3 – 1 ÍBV Efsta deild (Landsbankadeildin)

FH
Okkar menn sitja í efsta sæti deildarinnar sem fyrr með 44 stig, 5 stigum á undan KR. Þeir hafa skorað 49 mörk en fengið á sig 20. Sigurleikirnir eru  14 talsins, jafnteflin eru tvö en töpin þrjú.

Ljóst er að leikurinn hefur gríðarlegt gildi fyrir lið FH. Vinni þeir leikinn ná þeir með 8 stiga forskoti á KR-inga, sem þó eiga leik til góða, og setja þar með gríðarlega pressu á Vesturbæingana. Tapi þeir leiknum eiga KR-ingar enn von. Leikurinn skiptir ekki eins miklu máli fyrir ÍBV, en þá vantar einungis eitt stig til að tryggja sig uppi. Auk þess verða Fjölnismenn að vinna alla sína leiki til að eiga séns á að halda sér uppi.