Guðmundur Sævarsson og Ásgeir Gunnar Ásgeirsson verða áfram fjarverandi vegna meiðsla fyrir leikinn gegn Grindavík í dag en ekki er búist við að hvorugur spili meira á leiktíðinni.  Þá er Tryggvi Guðmundsson meiddur á læri, Atli Guðnason á ökkla og einnig á Björn Daníel Sverrison við meiðsli að stríða og verður hann því ekki með í dag.  Hvað þýðir þetta fyrir FH liðið? Þetta þýðir það að það fá enn fleiri ungir leikmenn séns og hugsanlega fá óreyndir leikmenn því góða reynslu í dag.  Leikurinn hefst kl 16:00 en stuðningsmenn ætla að hittast kl 14:00 á Dillon.