Heimir Guðjónsson gerir nýjan samning við FH

Jónas Ýmir Jónasson    Fim, 13. ágúst 2009

Heimir Guðjónsson þjálfari FH hefur skrifað undir nýjan tveggja ára samning við félagið. Heimir sem tók við þjálfun af Ólafi Jóhannessyni eftir tímabilið 2007 gerir samning út leiktíðina 2011. Heimir hefur unnið frábært starf síðan að hann tók við og stýrði FH til Íslandsmeistaratitils á sínu fyrsta ári sem þjálfari meistaraflokks.