Íslenska U17 ára landslið pilta í knattspyrnu lagði Finna, 4:1, í lokaumferð riðlakeppni á opna Norðurlandamótinu sem haldið er í Þrándheimi í Noregi. Staðan var markalaus eftir fyrri hálfleikinn en í þeim síðari fóru íslensku strákarnir á kostum. FH-ingurinn Kristján Gauti Emilsson skoraði tvö af mörkum Íslands og þeir Emil Pálsson og Arnar Bragi Bergsson gerðu sitt markið hver.

Íslenska liðið hafnaði því í öðru sæti riðilsins á eftir Skotum sem gerðu markalaust jafntefli við Svía í dag.  Íslendingar leika því um þriðja sætið á mótinu á sunnudaginn.

 Einnig er vert að segja frá því að útsendarar frá 50 af stærstu liðum Evrópu eru á mótinu, meðal annars frá Manchester United, Liverpool, Chelsea, Arsenal og Everton.

Kristján Gauti fékk einnig númer hjá meistaraflokk um daginn, númer 18.

 heimild: Mbl.is