Atli G.: Mjög sáttur - en þreyttur

Anton Ingi Leifsson    Mán, 27. júlí 2009

Atli Guðnason, framherji FH var að vonum mjög sáttur með 2-1 sigur á Breiðablik. Atli var sáttur, en þreyttur enda áttu FH-ingar erfitt ferðalag í miðri viku gegn Kazakhstan. ,,Ég er nokkuð sáttur. Þreyttur eftir erfitt ferðaleg til Kazaksthan og var gott að taka þrjú stig," ,,Svo eigum við Keflavík á fimmtudaginn í bikarnum og við eigum enn eftir að vinna þá í sumar og það er kominn tími til," og aðspurður hvort það væri ekki stefnt á stigamet í sumar svaraði Atli. ,,Taka einn leik í einu. Það er takmarkið og taka Keflavík í bikarnum og svo Stjörnuna í deildinni eftir það . Þrjú stig í hverjum leik og þá bætum við þetta með." Atli sagði að FH ætluði að vera fyrstir til að vinna á gervigrasinu. ,,Já, eigum við samt ekki að vinna Keflavík fyrst? En við ætlum að reyna vinna alla leiki sem við keppum."