Davíð Þór Viðarsson snýr heim

fhingar@fhingar.net    Þri, 01. apríl 2003

Davíð kemur heim. (Aprílgabb á fhingum.is sem við féllum fyrir) Davíð Þór Viðarsson, sonur Vidda Halldórs, er kominn aftur til FH og mun leika með liðinu í Símadeildinni í sumar. Samkvæmt heimasíðu FH fékk hann sig lausan undan samningi við Lillestrøm. Davíð lék 18 leiki með FH sumarið 2001 í Símadeildinni og 5 í deildarbikar og skoraði þar eitt mark. Davíð er dugmikill miðjuleikmaður og ljóst er að það verður hörð samkeppni um stöðurnar á miðjunni en þar eru fyrir Heimir Guðjónsson, Baldur Bett, Emil Sigurðsson, Ásgeir Ásgeirsson svo við teljum nokkra til. Á heimasíðu FH segir að hann muni fara með til Portúgals á Canela Cup sem hefst á laugardaginn. Við erum að vinna í að tryggja okkur fréttaflutning þaðan og getum vonandi sagt ykkur undan og ofan af frammistöðu Davíðs sem samherja hans hér á this.is/fh