Ú - A - Höddi Magg say Ú - A - Höddi Magg

fhingar@fhingar.net    Mið, 16. apríl 2003

Kombakk Hödda Magg Fyrsta alvöru "skúbb" this.is/fh lítur dagsins ljós og hvílíkt "skúbb". Heyrst hefur að sjálfur Hörður Magnússon hafi dregið fram skóna á ný og mætt á æfingu í dag. Það verður að viðurkennast að hluti ritstjórnar this.is/fh lét einstaka sinnum óvönduð orð falla um kappann í aftanskini ferils hans en það var í hita leiksins og ekki illa meint (og Höddi var stundum rangstæður). Þó sólin hafi sest um stund virðist hún ætla að rísa á ný. Lifandi goðsagnir This.is/fh neitar að trúa því að það sé tilviljun að þegar ein goðsögn leggur skóna á hilluna taki önnur þá fram. Eins og menn vita Er Michael Jordan að leika sinn síðasta síðasta leik í kvöld (í þriðja sinn). Höddi á sumsé 2 kombökk eftir. Það er ekki spurning að Höddi mun geta miðlað af reynslu sinni til kjúklinganna í framlínu FH en meðalaldur þeirra Atla, Allans, Simma og Tómasar er 21 ár. Ég hef heyrt eftir aðstoðardómara í íslensku deildinni að Hörður hafi verið erfiðasti leikmaður fyrr og síðar að hafa gætur á því enginn kann eins vel og Höddi að hanga í varnarlínu og stinga sér á réttum tíma innfyrir. Við erum ekki nokkrum vafa um að Höddi er í sama gæðaflokki og jafnaldrar hans fæddir 1966 enda afar góður árgangur. Nokkrir sem fæddir eru þetta ár: Teddy Sheringham, Gianfranco Zola, Martin Keown og Guðni Bergsson er meira að segja fæddur 1965.