Leikurinn var settur upp til að skoða Norska framherjann Torgeir Motland sem hefur verið til reynslu hjá FH undanfarna viku.  Motland spilaði sem fremsti maður en Atli Viðar spilaði á miðjunni í fyrri hálfleik í kvöld.  Motland komst aldrei í almennilegt færi í leiknum, hann virkaði ágætlega á vellinum og í raun ekkert ósvipaður og Soderlund, Motland var aðalega í skallaboltum og átti eitt skot framhjá markinu í fyrri hálfleik.  Óli Palli átti í þrígang möguleika á að koma með góða sendingu fyrir markið á í fyrri hálflek en sendingar hans voru ávallt of innarlega og átti Ingvar Þór í markinu í engum vandræðum með þessar slöku sendingar.  Hákon Hallfreðs spilaði sem aftasti maður á miðjunni og átti nokkrar flottar sendingar í leiknum.  Hafþór Þrastarson kom inn fyrir Sverrir þegar hann meiddist en Hafþór var fyrirliði 2.flokks FH á síðasta ári. 

Heimir gerði nokkrar breytingar í hálfleik og skipti m.a. báðum bakvörðunum út auk þess sem Eiki Kúld kom inná miðjunna en Eiki var mjög ferskur í byrjun seinni hálfleiks.  Gunnar Sigurðsson gerði síðan sekan um slæm misstök í 2.marki blika þegar hann fór í slæmt úthlaup eftir sendingu fyrir markið hjá Blikum.  Það mark var dæmt sjálfsmark og eftir það gerði Heimir fleiri breytingar á liðinu.  Pétur Runólfsson sem spilað hefur með ÍBV undanfarin ár kom inná í lið FH í seinni halfleik.  Það gerðist hinsvegar nánast ekkert í þessum seinni hálfleik fyrir utan það að Motland fékk boltann í lapprinar tvisvar en náði ekki að búa til neitt úr neinu í þau skipti sem hann fékk boltann.  Blikar eins og áður segir voru ákveðnir frá byrjun og skoruðu þriðja markið sitt í leiknum eftir gott samspil í teig FHinga.  Fylliega sanngjarn sigur hjá Breiðablik sem verða án efa sterkir í sumar.  Það ætti að koma í ljós um helgina hvort samið verði við Motland en miðað við frammistöðu hans í þessum leik þá verður það að teljast ólíklegt en eins og áður segir þá fékk hann boltann ekki mikið í leiknum.   Þessi leikur var kannski ekki þessi drauma föstudagskemmtun sem maður hafði hugsað sér en töluvert skárra en að vera heima og horfa á Útsvar. 

FH Maður Leiksins: Helgi Valur Pálsson(fæddur 1992) - Helgi kom í stað Gumma Sævars og var ákveðin, duglegur og barðist vel þegar hann kom inní liðið í byrjun seinni hálfleiks.