FH mætir Breiðablik í æfingaleik í kvöld en þar geta menn fengið að líta augum norska framherjann Torger Motland sem er á reynslu hjá FH.

Leikurinn fer sem í Kórnum í Kópavogi og hefst klukkan 19:00.

Motland kom hingað til lands á mánudag og hefur æft með FH alla vikuna. Hann tekur svo þátt í leiknum í kvöld en heldur heim að nýju á morgun.

FH á svo næst leik í Lengjubikarnum á sunnudag klukkan 16:15 en þar er mótherjinn KA og leikið er í Boganum á Akureyri.