Það verða líklega vel mótiveraðir FH-ingar sem mæta á Kópavogsvöll annað kvöld tilbúnir að hirða stigin þrjú sem eru í boði. Það verður þó ekki auðvelt, en Breiðablik er með feyknasterkt lið. Leikurinn hefst klukkan 20:00 á Kópavogsvelli.

FH Radio Live, ath þið verðið að vera með Winamp eða Itunes til að hlusta á leikinn.

 Jónas Ýmir Jónasson og Steinþór Kristinsson sjá um lýsinguna.

Nú rétt í þessu var dregið í 32-liða úrslit í Borgunarbikarnum og þar kom í ljós að FH mætir Keflavík í Kaplakrika. Þetta verður í annað skipti sem FH mætir Keflavík í sumar, en eins og menn muna vann FH lið Keflavíkur 2-1 í Krikanum í fyrsta leiknum í Pepsi deildinni. Það var ekki eini Pepsi deildar slagurinn því að Þór tekur á móti Stjörnunni og Valur fær Frammara í heimsókn.

Mikið af liðum utan Pepsi deildarinnar var í pottinum og ljóst að FH hefði líklegast viljað fá eitthvað af þeim liðum í fyrstu umferð. FH hefur gengið svona upp og ofan í bikarkeppninni síðustu ár. Liðið datt út í fyrra í 32-liða úrslitum gegn Fylki. Þar þurfti að grípa til vítuspyrnukeppni og þar var Kristján Finnboga í banastuði og FH datt út. 

FH hefur unnið bikarinn tvisvar sinnum Árin 2007 og 2010. 2007 vann liðið Fjölni 2-1 eftir framlengdan leik og 2010 vann FH 4-0 gegn KR. Leikur sem fáir gleyma. Allavega ekki KR-ingar. En KR er einmitt ríkjandi bikarmeistarar og þeir fá Grindavík núna á heimavelli. Leikirnir verða leiknir miðvikudaginn 29.Maí og fimmtudaginn 30.Maí.

Við Hittum Heimi Guðjóns fyrir leikinn gegn Þór í gær. 

Við spurðum Gamla um síðasta leik, ástandið á hópnum og fleira á Akureyri í gær.

- 3 stig á móti Kef í síðasta leik. sanngjarn sigur?

Já, mér fannst sigurinn sanngjarn. Þótt að við spiluðum ekki vel í seinni hálfleik, þá fannst mér við gera nóg til að vinna leikinn. Þeir voru að skapa sér mörg færi í seinni hálfleik og við vorum bara sáttir með þrjú stig í leiknum. En við höfum talað um í vikunni að það er ýmislegt sem að við þurfum að laga.